Wednesday, September 9, 2009

Hindi ako makatulog

Nagkalat ang mga damit,medyas, brief, etc. kaya naman pala medyo masikip na ang kwarto ko at pinuputakti na ako ng lamok's (with s madami na kasi)
Konsensya: Tamad!
Inaamin kong tamad ako, paguwi ko galing ng opisina tinatapon ko nalang ang mga gamit ko, ganito na kasi nakaugalian ko nuon pa. Makailang beses ko na ito nais baguhin pero ilang araw lang epekto at automatic na bumabalik ako sa pagiging makalat. Natural na ata sa dugo ko ang pagiging makalat sa kwarto.
Konsensya: Tsk! Tsk! Tsk!
Kaya naman naisipan ko maglinis ng kwarto sa araw na ito. Sobrang dami na pala ng kalat ko at yung mga gamit na matagal ko nang hinahanap natagpuan ko na. Binago ko rin yung design ng kwarto ko, nilipat ko nang pwesto yung cabinet at kama ko para maiba naman ang aura at baka sakaling swertehin ako.
Konsensya: Hindi totoo yan
Medyo nakakapagod pero sa bandang huli e napakaganda ng resulta! astig maayos na ulit ang kwarto ko at ang sarap humiga at matulog... Kinagabihan parang tinatawag nko ng kwarto ko at matulog sa bago nyang kanlungan.
Konsensya: Matulog ka na dahil may pasok ka pa bukas! now na!
Nahiga ako sa kama, pero ilang minuto na ang nakakalipas parang di parin ako dinadapuan ng antok hanggang dumating ang madaling araw. Hindi ko tuloy alam kung bakit ba ako ganito ngayon. Marami akong suspect sa krimen na ito, una yung ininum
kong 3 basong tubig, kaya ihi ako nang ihi at di makatulog. Pangalawa ay yung kaibigan ko na 25years magreply
Konsensya: katext? kaibigan?
Bwiset ka kanina ka pa konsensya! blog ko 'to pakealamero ka wag kang pampam baka alisin kita dyan. At pangatlo yung bagong ayos na kwarto ko, inikot ko kasi yung kama ko.
Ang sakit tuloy ng ulo ko kinaumagahan, maaring nakatulog ako ng sandali pero gising ang diwa ko. Hindi ko maipaliwanag ng maayos kung ano nangyari ng gabing yun. Ayon naman sa kaibigan ko na nakausap sa chat
Konsensya: Kaibigan nanaman
Epal ka! ang sabi nya ay baka daw may ibang tao naman na nagiisip sa akin. Huwaw sabaw ganun ba yun? e sino naman yun? at parang awa nya patulugin nya ako. Kung sino ka man wag mo akong isipin wala kang mapapala.

5 comments:

The Gasoline Dude said...

Parang adik lang ah. LOL

Magulo din kwarto ko. Baka gusto mong linisin din. Haha. = P

Chris aka C2 said...

pwde rin... kapag naglilinis ako ng kwarto naka bonnet at all black. siguradong malinis yan ubos lahat, kung may refrigerator ka sa kwarto malamang yan lang maiiwan hahaha. salamat bro sa pagbabasa

paulitaontherun said...

hmmmmm. napakatalinghaga. nag-enroll kaba ng script writing ni ricky lee? hehehehe. wla lang. matulog ka na nga. tsk

Chris aka C2 said...

kay rick reyes ako nagenroll mali nga e... chupet ang natutunan ko hindi ang writing! hahhaha

NHEL ARMSTRONG said...

JUSME!!!!!!

Isa ka dito: