About the author

Isang simpleng tao na nangangarap maging host ng isang travel show, manunulat, musikero, artista porn, DJ, VJ, Direktor at makagawa ng isang indie-film at documentary. Mahilig umakyat ng bundok, magpunta sa ibat-ibang lugar, kumuha ng larawan at makipagkaibigan. Idol nya mula pa nung bata ang The Beatles, hindi maipaliwanag kung bakit. Maaring gusto nya lang ang musika nila. Isinilang at lumaki sa Dagat-dagatan, Malabon City, dito kung saan nahubog ang katalinuhan, katarantaduhan, kalokohan, at kagaguhan. Inshort buong pagkatao nya.

Preschool
School: Day Care Center
Nagsimula pumasok sa eskwelahan sa edad na apat na taon, tinawag syang saling-pusa dahil hindi naman talaga pagaaral ang pakay, kundi manggulo ng mga nagaaral.
Edad na limang taon.... eto na nagaral na sya, dito nya natutunan kung paano isulat at basahin ang mga alphabeto. Nakilala nya rin ang ibat-ibang kulay at natutong gumuhit sa pader . Paborito nya ang palabas na Batibot, lalong-lalo na ang mga kwento ni kuya bodgie at ate shienna. Unang performance nya ay ang gayahin ang pelikula ni sharon cuneta ang "pasan ko ang daigdig" sa loob ng eskwelahan at sumayaw habang kumakanta ng Gary V song "Di bale nalang kaya"

Gradeschool
School: Imelda Elementary School
Anim na taon, isa sa pinaka-batang magaaral para sa Grade1. Muntik na syang hindi payagan, ngunit, datapwat, subalit naipasa nya ang entrance exam at marunong na magbasa, nakalusot at pinayagan narin. Mula Grade1 hanggang Grade6 hindi sya naalis sa section 1 Mayabang sya Hindi sya matalino pero hindi rin naman bobo. Lagi syang Friday Cleaners dahil sa unang titik ng kanyang apelyido. Paborito nya ang magtapon ng basura dahil nakakapaglakwatsa sya habang itinatapon ang basura sa likod ng eskwelahan. Hate nya ang magbunot kasi nakakapagod.

Highschool
School: Westminster High School
Isang Chinese-Christian School ang napasukan nya. 1st year may chinese language subject sya at dahil hindi nya naman ito pinagtuonan ng pansin BAGSAK. Pero okey lang yun, hindi naman kailangan balikan at i-summer ang subject na 'to, strategy lang ng school para kumita. Naging paborito nya ang mga musika ng eraserhead dahil sa impluwensya ng klasmate nya at sa biniling tape ng tatay nya.

College
School: AMA Computer College - Caloocan
Hindi nya alam kung paano sya napunta sa eskwelahan na 'to. Basta nalang kasi sya nagexam dito kasama ang dalawa nyang katropa nung highskul. tsk! tsk! pangarap nya makapag-aral sa Unibersidang ng Pilipinas pero di nya nagawang magexam duon. Dahil tuwing magpapaalam sa highskul teacher nya na mageexam at magaaply sa mga school e nagcucuting lang silang tatlo ng tropa nya. Tinapos nya ang kursong Computer Engineering sa tulong ng PVAO Scholarship (Phil. Veterans Affairs Office). sa awa ng Maykapal.
At sa kasalukuyan sya ngayon ay nagtratrabaho na para gumawa ng blog sa WAKAS.

Congratulation Graduates Graduate ka na!

Tuwing Marso hindi na bago sa ating mga pinoy ang makakita ng "Congratulation Graduates" mula sa mga walang kwentang politiko. Nakasabit ito sa Kalsada, eskwelahan, simbahan, pedestrian crossing, beer house, hotel, motel at kung saan-saan basta maraming tao makakakita kahit sa lugar na wala silang pakealam sa mga gragraduate.Ang importante e makita ang picture at pangalan ng politikong bumabati.Kung papansinin mo ang mga tarpaulin na 'to lalo kang mabubwiset, dahil masmalaki pa ang pangalan ng politikosa mga pagbati nito. Nakahilatsa din dyan ang pagmumukha nila na naka-ngiti na parang di kayang gumawa ng kasalanan.
Parang ganito:

Hindi lang naman tuwing graduation nagkakaroon ng ganitong mga pagbati ang mga politiko. Sa lahat ng okasyon present din ang pagbati nila. "Merry Christmas and Happy New Year" "Happy Fiesta" "Welcome Alumni" "Happy Birthday" etc-etc... Lahat ng pwede batiin binabati nila kahit siguro bagong tuli "Congratulations to the newly circumsize"
Mahirap talaga pumili ng iboboto, kasi nga naman hindi pa eleksyon patuloy na sila sa pandaraya. Hindi man tahasan na pangangampanya ito e ganun narin ang ibig sabihin nila dito. Hindi naman siguro tayo mga munting bata na walang alam at madali nilang maloloko.
Ang sakit ng lipunan ay malala na pero patuloy parin tayo sa paghahanap ng lunas dito kaya kung sino-sino ang nais natin ihalal na nagbabakasakali na sila ang gamot. Kung gusto mo lumakas ang liver mo, liveraid. Para gumanda ang eyesight, Optine araw araw. Para pumuti, Metathione. Para pumayat ng walang kahirap-hirap, Fit&Right. Mataas ang sugarlevel, ampalaya plus. Sakit sa puso, Heartvit.

Lahat ng ito ay may nakasulat na "No approved Therapeutic Claims" meaning walang matibay na ebidensya na nakakapagpagaling nga ito, gayun pa man marami parin ang nagtitiwala at nagbabakasakaling mapagaling ang karamdaman nila sa paginum nito. Ganito rin ang pagbabakasakali natin na masolusyunan ang sakit ng lipunan, yun nga lang marami talaga ang mapagsamantala. Tsk! Tsk!

Acupuncture

Sa mga masugid, masipag, matiisin at walang trabaho sa opisina kundi magbasa ng blog eto nagblog na ulit ako...
Late na ako umuwi kahapon siguro 9:20pm na at siguradong wala nang byaheng LRT ng ganitong oras. Second option ko ay ang FX from Gil Puyat to Monumento via C3 road. Kamahalan nga lang kung dito ako sasakay dahil 40pesos ang pamasahe tapos pagbaba ko ng C3 no choice kundi magspecial ng Tricycle papunta sa mismong bahay namin. Kung susumahin 75pesos lahat kamahalan di ba? kasama na dyan ang Bus from makati to Gil Puyat, compare kung aabutan ko ang LRT, 41 pesos lang. Pero hindi importante yan sa kwento ko ngayon wala lang gusto ko lang sabihin at wala ka nang pakealam blog ko 'to!
Pagsakay ko sa FX para kaming sardinas (hindi ko alam kung pwede pang gamiting ang sawikain na ito kasi napansin ko hindi na siksik ang sardinas ngayon. Its getting bigger and bigger... pero lata lang!). 3 ang nasa harap including ang driver, apat ang sa gitna (ako yung pangalawa sa gitna, at apat din sa hulihan. Siksikan di ba? Sumagot ka!
Okey eto ang nangyari habang umaandar ang FX.....
Dahil late na nga, medyo inaantok na ang lahat maliban sa driver (wag naman sana di ko pa nakikita ang panganay ko) nagulat ako dahil parang may tumutusok sa kaliwang balikat ko masakit parang karayum na marami kaya naman napalingon ako pakaliwa at sakto!!! natutulog ang katabi ko na naka bukas ang bibig, at nung paglingon ko halos mahalikan ko. Sheeet!!! tapat na tapat ang ilong ko sa bibig nya, nagising ako bigla, kung alam mo yung feeling ng nakasinghot ng Mighty Bond parang ganun gumuguhit mula ilong, lalamunan at hanggang utak wheeeww... amuy ebak promis at ang tumutusok sa balikat ko e yung balbas nya na parang Acupuncture lang. Masakit na nakakakiliti na nakakainis na parang gusto ko syang ututan bilang ganti.
Sabi dati ng teacher ko nung highschool kapag pinigil mo daw ang utot mo sa bibig daw ito lalabas, pero di ako sangayon sa mga sinabi nya na yun, gusto ko sana magconduct pa kami ng isang laboratory test kung totoo ba ito, pero wala hindi nya kaya itong patunayan. minsan kasi pinigil ko ang utot ko at inamuy ko ang hininga ko, pero hindi naman ito amuy utot. I therefore conclude mali ang mga sinasabi nya, pero kahapon parang nagdadalawang isip na ako kung totoo ba ito.
Umabot halos isang oras ang byahe ganun din ang sakripisyong ginawa ko, parang napaaga ata ang pagsasakripisyong ginawa ko, malayo pa ang semanasanta ang alam ko April pa yun, advance naman 'to.

Searching for Yakult 1.5 Liters

Ayan yung katibayan na wala nga 1.5 Liters na YAKULT, kasi ayon sa kakilala ko na si Arnel (di tunay na panggalan) e may Yakult daw sa Japan na 1.5 Liters...

How to enjoy the taste of Beer

Beer is the world's oldest and most widely consumed alcoholic beverage and the third most popular drink overall after water and tea.It is produced by the brewing and fermentation of starches, mainly derived from cereals — the most common of which is malted barley, although wheat, corn, and rice are also widely used. Most beer is flavoured with hops, which add bitterness and act as a natural preservative, though other flavourings such as herbs or fruit may occasionally be included. Alcoholic beverages fermented from non-starch sources such as grape juice (wine) or honey (mead) or distilled after fermentation are not classified as beer. - source: http://en.wikipedia.org/wiki/Beer

Dito sa Pilipinas ito ang pinaka paboritong inumin ng mga magbabarkada. Kaya naman sibak-sibak ang mga gumagawa nito. Limpak-limpak na salapi ang makukuha nila sa mga parokyano ng Beer. Kadalasan kasabay nito ang pulutan, usok, at walang humpay na tuksuhan at tawanan.
Hindi naman talaga masarap ang Beer, bagkus mapait ang lasa nito... kaya kung tutuusin hindi naman talaga ito ang nagpapasarap ng inuman, kundi ang mga KAIBIGAN. Bonus nalang ang mga banda, chicks, makukulay na ilaw at pulutan.

A Trip to the Stars

Stardust
Location:1182 Quezon Ave. Q.C
Description: Night Club
Date: 10-10-2008
Guilty people: Genesis, Dante, Cute, Henry, Chris, Toni

Ito ang unang beses ko makapasok sa Stardust (hindi ko rin masabi kung ito na nga ba ang huli). Pero hindi ito ang unang beses ko nakapasok sa ganitong lugar. Sa totoo lang madami narin, pero nabibilang pa naman sa mga daliri ko at ng katabi ko. Mahilig talaga ako sa ganitong lugar Hindi ako mahilig sa ganitong lugar promis at ni minsan ako pa nagaaya hindi pa ako nagaya magpunta sa ganitong lugar, maaring sa Mall lang at Gym. Taong kuripot kasi ako, mas gugustuhin ko pa kasi ipamigay ang mga pera ko sa mahihirap nating kababayan kesa sa mga GRO (*wapak!) nagbibiiro lang po...


The Dance
Halos lahat ng napuntahan kong Night Club e halos pareparehas lang ang dance move. Abante-abante Giling Atras-atras Giling Kaliwa-kaliwa Giling Kanan-kanan Giling lapit sa tubo bubukaka tatalikod yuyuko... asus!
I therefore conclude iisa lang ang choreographer ng mga Night Club

The Sounds
I got it from my mama- Wil. I. Am.
Lean like a cholo - Down
Soulja boy - soulja boy
Umbrella - Rihanna
Careless Whisper - George Michael

DJ: "And now.... let's welcome our first set of Lovely ladies"
Kung mapapansin mo din, halos lahat ng DJ sa mga Night Club magkakaparehas ng boses... yung tipong buong-buo na parang may plema sa lalamunan na mahirap maalis.

The Dress
Swimsuit, Sexy Night Dress, Hot Night Dress, basta sleeping dress na ready to fight!
Usually Color Red dahil ito ang kulay na nakakaakit sa mga Kalalakihan.
Highheels - hindi pwede ang flat shoes dahil mas nakakaakit ang matangkad.
Topless - kapag madaling araw na tska lalabas ang mga babae hindi tinatablan ng lamig... at nandyan narin ang mga matang naglalakihan habang nirerecord sa kanilang photographic memory.

The Girls
Medyo malabo na ang mata ko kaya kung ako ang huhusga at nakainum na, lahat sila aprub sa akin. "Ayun... yung number.... basta yun! ano pangalan nun? tawagin mo table ko sya!"

The Cost
*note: Prices may vary depending on size, color, and currencies exchange rates

Php400/hour - ang number na color green (eto ang tinatawag na GRO)
Php560/hour - Model (sila yung mas maganda sa GRO)
Php800/hour - Solo (may kasama nang ladies drink, maaring mas maganda ito sa Model)

Hindi ko lang sure kung binabawasan din sila ng Tax, Pag-big, Philhealth, SSS, GSIS, Tardiness, Undertime. Meron din kaya silang overtime? 13th month pay? Christmas bonus?

Kung ikukumpara mo ang 800/hr nila sa isang empleyado na nagpakadalubhasa ng 4 na taon sa Unibersidad, Nagtake ng ibat-ibang exam, Nagreview sa mamahaling review center, Naghirap gumawa ng kodigo, Nagbayad sa Prof, Nagpagawa ng Project, siguro iisipin mo din mag GRO nalang.

Eco101:
The Law of Supply and Demand.
Limited supply, lots of demand.
Limited nga ba ang supply ng GRO sa bansang Pilipinas? bakit maraming Demand?
Kailangan na bang magimport tayo ng GRO from China? Hindi kaya may melamine naman ang maiimport natin na GRO galing sa kanila?

"Mabuhay ang mga Pokpok"

The LactobacillusShirotaStrain

Ito ang paborito kong inumin nung bata pa ako halos araw araw ko hinahunting ang tindera nito na naka uniform pa na parang katulong sa mga telenovela at may dalang maliit na refrigirator este icebox.
Bukod sa pampatibay at pampalakas ng katawan masarap din ang lasa nito. walang katulad sa sarap. Kaya lang ang problema ko napakaliit nito, bitin na bitin ako wooohoho di ko na alam kung makakaya ko pa di bale nalang kaya.
Di ako kuntento sa isang bote nito kaya halos maglupasay ako sa kalsada kapag isa lang ang binili sakin ng nanay ko! halos taktakin ko ang plastik na bote, ipasok ang dila sa loob at sirain para lamang makuha ang huling patak.. ganito ako kaadik sa Yakult!!!

Nitong nakaraan muli ko syang natikman, at parang bumalik ako sa nakaraan muli kong naramdaman ang bitin na sandali... agad akong bumalik sa Ministop at bumili ng 3bote pa para laklakin at tuluyan mapatid ang pagkabitin.

Naisip ko na bakit di nila gawin 500ml ang Yakult parang softdrinks? kaya naman nagsurvey ako sa mga ka officemate ko kung bitin din ba sila sa Yakult at iisa lang ang sagot nila "Oo" kaya naman nais kong gumawa ng isang malawakang rally para sa ikapapayapa ng ating kalooban. Ang magkaroon ng Yakult 500ml!
Sugod na sa Edsa mga kapatid at nang makamit natin ang Tagumpay....