UV Express shortcut

Tengena nagshortcut yung UVExpress na sinakyan ko from Point A to Point B

Usually 30mins kapag trapik (Red). 

At dahil trapik dumaan sya sa shortcut (Black) 

Ayun 50mins ang inabot!!! PUNYETANG SHORTCUT YAN

Panindigan mo yan teh!

Nakita ko yung officemate ko during lunch nakapila sa Salad bar.
Kumain ng fruits and vegetables! wow sabaw!
After 3hrs ayun... kumakain nanaman ng 2pc chicken mcdo

Alamat ng Tigyawat

Magsisimula tayo sa nuong unang panahon. Panahon ng hapon.

May isang impakta na inggeterra. Lahat ng meron ang kakilala nya ay meron din sya.

"May tigyawat ako"

"Ay ako din!"

-The End-

Salamat sa mga bumibisita..

comment naman dyan

Dear Rose,

Napakahirap talaga maghanap ng kasambahay. Ilang buwan na kaming naghahanap pero mission failed parin. Nagpost na kami sa Jobstreet at naghanap sa LinkedIn pero wala talaga. May mga referal pero hindi nagtatagal rereglahin lang ako sa inis.
Mapili na din ang mga kasambahay ngayon. Gusto nila may wifi ang bahay para nakakapag facebook.

Yung unang kasambahay namin maayos naman at tumagal maski paano. Pero dahil sa bata pa sya at gusto din siguro makahanap ng mas magandang buhay eh nagdesisyon na umalis at sumama sa boyfren (*joke wala atang boyfren)

Yung sumunod referal ng kasambahay ng kapatid ko. Nakilala nya lang sa tabi-tabi kesyo minamaltrato daw ng amo kaya balak umalis at naghahanap ng lilipatan. Kwento pa nya pinapatulog daw sya sa ilalim ng lamesa at tinuturing na parang baboy. *Take note baboy

Unang araw nya magtrabaho sa bahay alas siete na nagising. Mukhang naghahanap nga agad ng almusal at kape. Imbes na nakatulong lalo pang nadagdagan ang problema namin sa bahay dahil sa kanya. Yung tatlong gatang na bigas na kasya para sa amin eh halos kanya lang. Ganun ka takaw yung nakuha namin. Napatunayan ko na tama ang dati nyang amo, isa syang baboy!!!
Kapag naglinis naman halos maubos ang sabon, downy at zonrox. Hinala ko iniinum nya yung iba.

Binigyan namin sya ng konting panahon baka naman dahil bago pa lang at hindi pa nakakapag adjust. At matapos ang isang linggo nakapag adjust na sya. Nadagdagan ang kachikahan sa kapit-bahay na one time pumasok ng dirediretso sa loob ng bahay yung katulong ng kapitbahay namin. Taena!!! may pumasok na di namin kakilala *highblood ang lahat ng tao sa bahay. Juice colored mapapatay ko ang baboy na 'to!

Sumunod naman nanigarilyo sya sa kwarto, amoy na amoy ang usok ng sigarilyo pero todo deny pa sya "hindi po" habang umuusok ang bibig. Itinatapon pa nya ang upos ng sigarilyo sa bubong kaya hindi sya pwede mag deny. Walang naninigarilyo sa amin FYI.

Pinalagpasa namin ang tagpong ito na sana wag na maulit dahil baka magkasunod at hindi kami sanay sa amoy ng sigarilyo. Natupad naman.  Sa labas na sya naninigarilyo.

                                                                  ***
Lagi nyang pinagmamalaki na marunong sya magluto kahit linis lang bahay ang gusto namin pagawa sa kanya. At dahil gusto namin tuparin ang wish nya. Pinagluto namin, baka talagang may tinatagong talent si ate.

Paguwi ko kinagabihan galing trabaho excited ako tikman ang luto nya. Ginisang Munggo. Pero parang hindi ako sure kung ginisang munggo nga ba talaga ang ulam kasi may kalabasa. First time ko kakain ng munggong may kalabasa. Why not baka masarap naman talaga....
Ito lang masasabi ko: "Tangina makakapatay ako ng baboy!!!"

Sumunod na raw nagluto si Papa ng kare-kare at napannsin na wala ng bagoong. Nung narinig nya ito nagpresinta sya na ang bibili. 10:00am sya umalis pero 11:00pm na wala parin. Hindi kami nagisip ng masama kasi alam naman namin na walang gagawa sa kanya ng masama (bakit kaya?). 11:30pm dumating na sya at naka-ngiti habang kami galit na galit. Kasama nya daw yung katulong sa kabilang bahay sinamahan lang daw nya. Nakakainit ng ulo di ba? at mas nakakainit pa ng ulo yung binili nya na bagoong eh bagoong isda! Pwede mo ba ipartner sa Kare-kare yun?!
Bago pa namin sya makatay at ibaon sa lupa. Napagdesisyonan ng board of directors na paalisin nalang sya.

haayy salamat normal na ang buhay

Good Morning! Towel

Maituturing na isa sa seven wonders of the world ang Good Morning Towel. Sa dami ng pwedeng pag gamitan nito nagtataka ako bakit hindi pa idiklara na pambansang towel ang Good Morning Towel?
Sino nga ba ang nakaimbento nito? At saan ang factory nito? Dahil ang tanging alam ko lang sa ngayon ay galing ito sa China at sa Divisoria.

To improve is to change; to be perfect is to change often.

Winston Churchill

Medyo nasira si pareng Winston sa Good Morning Towel, kasi hanggang ngayon hindi parin ito nagbabago. Hindi ito nagpapalit ng kulay at font ng lettering kahit mukhang grade1 ang nagsulat ng "GoodMorning"

Hangang ngayon nananatiling misteryo paring kung sino ba talaga ang nagimbento ng towel na ito. At kung ano ba talaga ang ibig-sabihin ng mga numbero sa ibabang gitna ng towel.

Ayon sa ilang chismosa ito raw ay taon ng pag-gawa or year created. Pero walang katibayan kasi wala pa akong nakikitang 2000. Hindi kaya stop na ang production? or mali lang sila sa haka-haka nila.

Isang halimbawa kung saan pwde mong gamitin ang Good Morning Towel

Astig di ba? Sana matulungan nyo ako sa pagsaliksik ng history ng Good Morning Towel

Ambahobahokho

Sumakay ako kagabi sa UV Express, yung van na kasya ang labing syam na tao sa loob.
Taena sobrang siksikan kami at yung ibang pasaherong ang lalapad ng wetpaks! halos sakupin na ang ibang parts ng upuan. Malas ko lang talaga at ako ang last na pasahero na kumumpleto. Itinuro ng dispatcher yung uupuan ko na parang wala naman akong makitang space.
Sa kalagitnaan ng byahe naramdaman ko na parang malamig ang balikat ko at parang basa. Tongue-Ina nadikit pala akosa kili-kili ng katabi ko at kumatas ito sa balikat ko.
Sana maranasan mo din para you know what I mean!

yung feeling na...

Yung feeling na sabay kayo sumakay ng jeep at parehas umupo sa magkabilang dulo.
Walang bang tao sa jeep.
paano iaabot ang bayad sa driver?
Isang minuto.
Dalawang minuto.
Tatlo!
at may sumakay na
Pero tumabi sa kaharap ko
Punyeta lapit nako bumaba
kailangan kong magbayad.

At ako ang nag-abot ng bayad naming tatlo sa driver

Hustisya para sa mga nawalang itlog!

Sa wakas!
Nabigyan din ng hustisya ng mga nawawalang itlog
Akala ko nung una sign of aging na, kasi madalas may mga bagay na nawawala at hindi ko alam kung nasaan na.
Kahit anong recall ko hindi ko talaga alam.
"Nandito lang yun!"
Minsan pinaghinalaan ko pa ang mga maligno,duwende,multo at kung ano-anong bagay na hindi nakikita.

Ilang beses din ako napagalitan na burara at malilimutin.
"Kung hindi nakakabit yang itlog mo! malamang wala na yan!!!"
Thank you scrutum for holding my balls

*******

Netong nakaraan nahuli ng housemate namin yung isang housemate namin na nagnanakaw ng pera sa kanya. Navideohan nya ito habang ginagawa ang pagnanakaw.

Nagkaroon sya ng idea nung isang beses na nahuli nya ito na pumasok ng kwarto nya. Akala siguro ng magnanakaw eh pumasok sya sa opisina. Naka leave kasi sya nung araw na iyon. At syempre nag alibi ang gago at dinahilan ang anak na naglalaro lang sila kaya biglang napasok sa kwarto nya.
Siguro naglalaro sila ng taguan at napiling nyang magtago sa kwartong naka-lock. Oo naka lock nga! at kinuha nya ang extrang susi sa pinagtataguan neto. Alam nya kung saan hmmm.....

Halos lingo-lingo nagsisimba ang pamilya ng magnanakaw. Infairness medyo mabait naman sila kaya hindi mo paghihinalaan (MEDYO lang ang sinabi ko). Sa katunayan, ako ang pinaka-unang nakahuli sa kanya nung pumasok sya sa kwarto ko.
Syempre may depensa parin sya kung bakit sya napasok. Ang dahilan nya nagkamali lang sya ng pasok. hmmmm...ulit!
Accepted naman kasi magkatabi ang kwarto namin, pero ako hindi ko pa nagawang magkamali ng pasok kahit magkatabi ang pintuan ng kwarto namin.

Medyo tanga kasi itong magnanakaw na housemate namin kaya napaniwala nya ako na nagkamali lang sya. Nasa personality nya na kasi ang pagiging tanga at tamad.

Ayun sa kwento ng housemate ko, nawalan sya ng 50sgd kahapon pati ngayon at sigurado pati bukas. Ginawang ATM machine ang wallet nya. Halos araw araw may withdrawal pero walang withdrawal slip.

Nagtaka na sya at galit na galit hulihin ang salarin.
Kaya nagsetup sya ng camera para makasigurado sya kung sino
Habang nsa kubeta sya at tumatae biglang sumalisi ang magnanakaw para magwithdraw.

Nakakapangilabot ang video kasi di ako sanay na makita yung housemate namin na nagnanakaw...

Halos walang puknat pa kasi ang pamilya nila sa pagsisimba tuwing lingo at madalas pa magpost ng bible qoutes sa facebook.
Kaya isa lang masasabi ko sa kanila:
PAKYU KAYO! mas mabait pa ang tulad ko na minsan lang magsimba

Hindi na napigilan ng housemate ko isumbong ang salarin sa pulis at ipakita ang video ng pagnanakaw. Ilang araw matapos makilatis ng pulis eh hinuli na ang salarin. At ang loko nakapag bail. Tsk! tsk!

Parang telenovela na inaabangan ko ang susunod na pangyayari, gusto ko din kasi makulong ang salarin at magdusa sya kahit isang buwan lang sa kulungan. Para maranasan nya ang paghimas sa malamig na rehas hehehehe

Wag mo syang hanapin,
Hindi sya nawawala.
Hindi ka nya makikita,
Kasi wala syang mata.
Bakit aantayin mo,
Kilala mo ba sya?
Baka kaharap mo na

Happy Valentines!

Inodoro ka ba?

Feeling ko kasi TAE ako

.....im falling for you

"The most difficult thing about writing is telling the truth"

-Sue Monk Kidd (http://www.suemonkkidd.com)

Who's your favorite Criminal?

Siguro ito ang kulang na tanong sa Slumbook: 

Who's your favorite Criminal?

 Maraming pwedeng ilista pero ang tanong "Who's your favorite?" paborito ko sila dahil sila ay Cool at Assteeg!
Kung hindi mo sila kilala, hindi ka rin naman nila kilala... quits lang!
At kung feel mo sa impyerno ka mapupunta pagnamatay ka, mas mabuting makilala mo sila ngayon palang dahil sila ang magiging ka-tropa mo duon.

Teka bakit nasama 'to?

Eraser

Sabi ng isang kaibigan sa kanyang status sa Facebook:

"Sana isa nalang akong eraser... para pwede kitang BURAHIN"

Syempre umepal ako:

"Erasing any of life's experiences would be a great mistake. :D Just leave it there, and forget about it!"

Kung nabubura ang nakaraan... siguradong kulang na ang kasalukuyan.

Sumagi na rin sa isip ko na sana pambura nalang din ako... may mga tao, bagay at pangyayarin na gusto kong alisin mula sa nakaraan. Mga bagay na kapag naaalala mo may sakit parin na naiiwan kahit gaano na ito katagal. May mga kwento na walang tuldok sa katapusan, mga pangyayari na hindi dapat naganap, mga taong hindi mo inaasahan na may kasamang tanong... Bakit? 

Dahil hindi naman talagang nabubura ang nakaraan minsan naisip ko na burahin ko nalang kaya ang sarili ko sa kasalukuyan? Pero minsan ko lang ito inisip at hindi ko na muling uulitin pa. Kung nasa mataas na gusali ka at nasusunog na ito, hindi ka dapat tumalon kung may Fire Exit naman na malapit sayo. Deadbol ka rin naman kung tatakas ka sa pagtalon, bakit hindi mo nalang gawan ng paraan kung saan alam mo ginamit mo ang parte ng katawan mo na nasa taas na bahagi ng ulo mo. 

Parte ng buhay ang nakaraan, marami na ang sumubok at nagisip kung paano ito babalikan para burahin o itama pero lahat sila tinalikuran ng panahon at naiwan sa imahinasyon.

Ask Me: Top 5 Beautiful Woman

5. Drew Barrymoore
Favorite ko lahat ng movie nya with Adam Sandler specially  "The wedding singer"
So sweet and sexy! love you Drew

4. Song Hye Kyo (English name: Lorraine Song)
Sya si Jenny sa Korean Novelang Endless love. 
Kelan ko kaya sya makakasama sa pelikula?

3. Chinchin Gutierrez
Filipina Beauty at Vegetarian din sya (ayaw ng meat?)
Kaya hanggang ngayon wala parin syang asawa? at bakit wala yatang nalilink sa kanya?

On the same spot... Alicia Silverstone

Nakakabato talaga ang Aerosmith Girl na ito at vegetarian din sya. 

Siguro crush ko talaga ang mga vegetarian (diba? hehehe may number3 pa pero secret nalang at nasabi ko na sa kanya dati na crush ko sya kaya no need na. Apir!) 

2. Jun Ji-hyun (My Sassy Girl)
My Sassy Girl ang pinaka-paborito kong love story tapos nung nalaman ko na may prequel ito na WindStruck lalo akong nainlove sa kanya. Super ganda at inosenteng mukha (pakiss nga!)

1. Natalie Portman
100% She's Super HOT!

 Without hair...

Without dress...

Sulat (para kay bertuchi)

Diabetic na yata ako kasi ilang taon na ang nakalipas pero hindi parin gumagaling ang sugat na iniwan nya sa akin at sa tuwing makakakita ako ng magsyota na magkaholding hands kumikirot ito at muling sumasariwa ang nakaraan.

Ganito kasi kami nuon, halos ayaw namin bitawan ang isat-isa, kaya nung nawala sya feeling ko putol na din ang isang braso ko. Nakakalungkot.. sobrang lungkot... Kaya ang magsyota na yan, magkakahiwalay din tulad namin isa taon, dalawa taon o baka tatlong buwan lang. (hahaha bitter talaga ako)

Nabalitaan ko kahapon ikinasal na sya sa bago nyang bf at nagsupaan sila na magmamahalan habambuhay.  Habambuhay? hahaha Naks naman! may pagasa pa pala ako sa kabilang buhay. Kung ako lang sana ang pinakasalan nya maging sa kabilang buhay susumpa ako.

Gusto ko na nga magsuicide para dun sa kabilang buhay ko nalang sya antayin. Dadalahin ko nalang mga ala-ala namin nung magkasama pa kami at muli ko itong ipapaalala sa kanya. Romantic di ba?  pero hindi ko alam kung saan ako mapupunta tapos nun. Baka naman nasa impyerno ako tapos sya nasa langit e di ganun din palpak parin ang plano ko, sayang pa ang eport at tiyak papagalitan ako ni inang dahil wala syang pampalibing sa akin. Pesteng life.                             

***

Kakaisip ng kung ano-anu heto at napadpad ako sa dati naming tagpuan, sa ilalim ng punong mangga sa tapat ng simbahan. Matagal ko na din iniiwasan ang lugar na 'to pero dito ako dinala ng aking mga paa. kung bakit? Hindi ko din alam.

Maya-maya pa'y biglang nagiba ang pakiramdam ko, bumilis ang tibok ng puso ko at kinabahan dahil nakita ko sya nakaupo duon sa dati naming tagpuan. Natatakpan ng kanyang buhok ang buo nyang mukha habang nakayakap sa kanyang tuhod tila umiiyak. Mabilis ko syang nilapitan pero mabigat ang bawat hakbang na parang may pumipigil sa akin. Umupo ako sa tabi nya, gusto ko sana syang yakapin ngunit hindi ko kaya. Mali ang gagawin ko may nagmamayari na sa kanyang iba.

"N-Nandito k-ka pala... B-Bakit?" nauutal kong tanong.

"Mahal mo ba sya?" sinagot nya ako ng isang tanong na hindi ko alam kung sino ang tinutukoy nya dahil ni minsan hindi ako nagmahal ng iba.

"Wala akong ibang minahal kundi ikaw" hindi ko na napigilan yakapin sya.

"sandali!!!"

Mabilis nya akong tinulak at sinampal. Gumimbal sa aking ang babaeng hindi ko kakilala.

"Pasensya ka na miss akala ko ikaw yung..."

"Yung ex mo?!" putol nya.

Pinandilatan nya ako ng mata sabay inihampas sa dibdib ko ang piraso ng papel. Malakas ang pagkakahampas na halos iluwa ko ang baga ko sa lakas.

"Hayan basahin mo galing sa kanya yan"

Binasa ko ang nakasulat pero hindi ko ito maintindihan walang letra at kung ano-anong karakter  ang nakasulat.  At nung tatanungin ko na sana sya bakit ganun ang nakasulat, bigla syang nawala. Napagtripan ba ako o guni-guni ko lang ang lahat? Pero nasa akin ang ebidensya, ang sulat na inabot nya.

Imbes na matakot lalo ako nagkaroon ng pagasa na muli kong makikita si Anya. Araw-araw bumabalik ako dito sa puno at tinitingnan ang sulat na hindi ko naman maintindihan. Wala naman sigurong masama kung umasa ako at maniwala sa bagay na walang kasiguraduhan at di nakikita.

***

Habang nakaupo ako sa damuhan sa ilalim ng puno, may narinig akong boses mula sa likod ko. Kung hindi ako nagkakamali bumalik ang babaeng nagbigay ng sulat.

"Hindi mo talaga maiintindihan yan! halika samahan mo ako" Mabilis nyang hinatak ang aking kamay kaya nasubsob ako sa damuhan at nadumihan ang puti kong tshirt. Nagpunta kami sa isang restaurant. Uhaw at gutom na gutom na raw sya habang ako naman ay hindi nakakaramdam ng gutom. Pinagmamasdan ko lang sya habang kumakain, dun ko lang napansin ang kanyang ganda.  Ang matangos nyang ilong, maamong mata, maliit na labi at ang pagkakalugay ng kanyang buhok na lalong nagpatingkad sa kanyang kagandahan.

TOINK!!! malakas na konyat mula sa kanya ang nagbalik sa aking kahibangan

"Makinig ka sa sinasabi ko!!!"

Sabay sigaw at pinandilatan nanaman ako. Naku kung hindi lang 'to babae sinapak ko na 'to kanina pa. 

"Sorry..." tipid kong sagot sabay kamot sa ulo.

Kung ano-ano ang ikinuwento nya nung araw na yun pero hindi ko iyon iniintindi dahil hindi naman yun ang mahalaga sa akin. Ang mahalaga ay kung ano ang ibigsabihin ng sulat na ibinigay nya at kung kelan kami magkikita ulit ni Anya.

Nasundan pa ang mga pagkikita namin na yun at parang nadedevelop na ako sa kanya. Nakikita ko ang katauhan ni anya sa kanya, ang mga sampal at konyat na inaabot ko tuwing di ko sya pinakikingan walang sakit pero tumatagos hanggang puso ko. Napagod na siguro ako kakahintay sa taong hindi naman dumarating kaya heto pilit kong hinahanap sa kanya ang pagkakatulad nila.   

Isang araw pinagtapat nya sa akin na may kakayahan daw syang makuha ang panaginip na ligaw mula sa mga taong biglang nagigising ngunit wala syang kapangyarihan na ibalik ang mga ito. Pinagtawanan ko lang sya kasi ang weird diba? pero seryoso sya nung sinabi nya yun sa akin. Marami sana akong gusto itanong pero hindi naman ako makasingit tuwing nagkukwento sya, ang gusto nya lang sya lang ang pinakikinggan. Mga babae nga naman... 

Kilala nya raw si Anya mula nung bata pa at parehas daw silang nakakakita ng panaginip ng iba, sya daw ang nagturo sa kanya upang lumawak ang kapangyarihan pero di kalaunan nawala na daw kay Anya ang kakayahan dahil di neto madalas gamitin sa personal na kadahilanan. Ipinahiram nya raw ang panaginip nya kaya ang taong nakakasama ko madalas ay hindi sya, kundi si Anya. Para akong  binuhusan ng malamig na tubig nung oras na yun, sandaling tumigil ang mundo ko. Hinawakan nya ang aking kamay at sinabi:

"Wala ka tunay mong mundo, ikaw ay nasa pagitan ng tulog at gising, hindi mo alam ang pagkakaiba sa pagitan ng katotohanan at pantasiya. Nilikha ka at niligaw mula sa panaginip ni Anya."

Mula nuon hindi ko na sya muling nakita pa. Paulit-ulit lang ang lahat at nandito parin ako naghihintay at umaasa na isang araw muli syang babalik upang tuparin ang isinulat nya sa papel.

Ikaw ay nasa lugar at oras kung saan ako masaya, 

muli akong pipikit at matutulog upang makasama ka.

-Anya

Lagi kitang naaalala

Kahit na pilitin kong limutin ka.
Nilimot na kita sa aking buhay
Ngunit pangarap din kita.

Habang ikaw ay nililimot
Ay lalong sumisidhi ang pag-irog.
Sa aking puso ay nakalarawan,
pag-ibig mo, lamang.

Kung tunay ang tanging pagmamahal
Ay di mapaparam
Habang nagdudulot ng pighati
Lalong di mapawi.

Lagi kitang naaalala
Kahit na pilitin kong limutin ka.
Sa aking puso ay nakalarawan
pag-ibig mo, hirang.

Pag-ibig ko'y laging ikaw

-Levi Celerio

"Kung may humihingi ng opinyon mo, bigyan mo ng Opinyon lang" 

Wag mo na dagdagan... Opinyon ko lang naman

Alamat ng TT

Wait nyo lang yung drawing ginagawa pa


Nuong unang panahon sa isang malayong lugar ng malabon, may isang kusinero na masipag at masarap magluto. Isang araw sa sobrang pagod nakatulog ang kusinero. At dito na nagsimula ang lahat.....

Nagfiesta ang mga rekado sa kusina dahil walang masesentensyahan sa mainit na kawali.

Patatas: Yahooo!!! akala ko araw ko na!
Talong: Hoy patatas! wag ka magsaya, alam mo naman na dapat ka na maluto dahil nabubulok ka na. Ambaho mo! umalis ka nga sa harap ko!

Si Talong ang pinakamaganda, pinakamakinis at pantasya ng buong kusina. Ngunit taglay nya rin ang hindi magandang ugali. Walang nagbalak manligaw sa kanya dahil dito maliban kay Itlog.

Itlog: Hi Talong... Ang ganda mo ngayon
Talong: Alam ko na yan, pwede ba umalis ka din sa harap ko bugok na itlog!
Itlog: May ireregalo sana ako sayo
Talong: Ano?
Itlog: Mga bulaklak
Talong: Ano naman ang gagawin ko dyan?!
Itlog: Ano ba ang gusto mo lahat ibibigay ko kahit...

Hindi pa man tapos magsalita si Itlog, tumalikod kaagad si Talong at naglakad palayo. Napadaan siya sa tambayan ni Okra ang reyna ng okrayan.

Okra: Aba! Aba! bakit nandito ang nagmamagandang Talong?
Talong: Bakit ikaw ba may-ari ng lugar na 'to?
Okra: Paano kung sabihin kong oo?
Talong: E'di sayo na! saksakmo sa lungs mo.. che!

Biglang dumating si Carrots, ang pinakagwapo, pinakamakisig at kilalang babaero sa buong kusina.

Talong: Eto na pala ang boyfriend ko *sabay halik kay Carrots
Carrots: Ummmhh.. teka... sino ka?

Inakit ni Talong si Carrots nung araw na yun. At bumigay na rin ito. Mga 5 minutes. At dahil likas na malibog babaero itong si Carrots, inaya nya si Talong mag-date sila sa loob ng refrigerator para cool, at para hindi sya makita ng gelpren nya na si Carrotene.

Talong: Nilalamig ako dito...
Carrots: Walang problema yayakapin kita

Syempre sinamantala ni Carrots ang pagkakataon...

Lingid sa kaalaman nila na nagsumbong pala si Okra sa gelpren nitong si Carrotene at huling-huli ni Carrotene ang lampungan ng dalawa. Madali itong lumapit dito at....

Carrotene: Mga walanghiya! Isa kang taksil!!! Ikaw naman Talong mangaagaw ka! *sabay sampal

Tumakbo si Carrotene upang magsumbong sa mga kamag-anak netong mga Bandidong Sibuyas na miyembro ng Al Qaida.

Sumugod sila papuntang refrigerator dala ang mga armas ng sikyuriti guard. Hinanap nila kaagad si Carrots pero dahil isa itong Tunay na Babaero, hindi nila ito nakita. Tanging si Talong lang ang inabutan nila.

Abdul Sibuyas: Nasaan na ang taksil na si Carrots
Talong: Aba MAPA *sabay taas ng kilay
Abdul Sibuyas: Anong MAPA?
Talong: Malay ko, Pakelam ko... Ambobo neto!
Abdul Sibuyas: Pilosopo ka ah... mga tropa sunugin ang kelot na 'to

Dahil saging lang ang may puso. Ginahasa muna nila si Talong bago tuluyang sunugin.

Sunog at lasog-lasog ang katawan nito.

Nalaman ito ni Itlog at nagmamadali na makarating sa pinangyarihan... ngunit hindi nya na naabutan pang buhay si Talong.

Itlog: Magpapakamatay nalang ako!

Kumuha sya ng lubid at itinali ito sa kisame at isinabit sa leeg.

Blaaag!! Nahulog sya mula taas dahil lumusot lang ang leeg nya sa tali. At hindi pa sya DEAD. Naisip nya na wala naman pala syang leeg dahit itlog sya. Kaya nagisip sya muli ng ibang paraan.

Itlog: Tatalon nalang ako sa mataas na lugar.

At tumalon nga si Itlog...

Plak! Basag ang pula ni itlog.

Naglabasan ang mga Chismosong Paminta at Asin upang kumuha ng chika sa pagkabasag ni Itlog.

Dito na nagising ang kusinero at nakita nya na may Talong na nakahandusay at Itlog na basag. Pinaghalo nya ang dalawang ito at nilagyan ng paminta at asin.

At tinawag nya itong... Tortang Talong.

Tortang Talong = Talong na tinorture at nilagyan ng itlog, paminta at asit tska pinirito.

Moral Lesson: Wag chismoso. Ayan nadamay pa tuloy kayo (paminta at asin)

Manifesto ng tunay na babaero

Disclaimer: Ang manifesto na ito ay nabuo habang nakasakay sa Tren. Kung may pagkakahawig ang mga manifesto na ito sa mga naisulat sa ibang website, hindi  ibigsabihin na kinopya eto. Maaring hindi lang ako  isa ang tunay na babaero kundi marami kami sila.



Ang tunay na babaero hanggat maari hindi gumagawa ng facebook o ano mang social network, at kung meron man picture lang at konting information.

Ang tunay na babaero hindi ma-tag sa facebook. Kahit magpost sa wall nya hindi pwede.

Ang tunay na babaero maraming sim card na ibat-ibang network.

Ang tunay na babaero hindi nakikipag-textmate. Maaring trap lang ito.

Ang tunay na babaero maingat at mapanuri sa bawat kilos.

Ang tunay na babaero hindi nagsasabi ng tunay na pangalan.

Ang tunay na babaero hindi basta-basta naniniwala sa mga ka-chat na nagpapadala ng magandang picture.

Ang tunay na babaero hindi namimili ng babae. Lahat pwede.

Ang tunay na babaero hindi dinidiskriminate ang bakla dahil alam nya na may mga kaibigan ito na malalanding babae.

Ang tunay na babaero iginagalang ang babae at dinadamayan ito lalo na kapag may problema.

Ang tunay na babaero parating online pero naka invisible mode.

Ang tunay na babaero friendly.

Ang tunay na babaero walang syota.

Ang tunay na babaero walang ex-girlfriend.

Ang tunay na babaero ayaw makipagholding hands sa matataong lugar.

Ang tunay na babaero bumibitaw ng matitinding banat.

Ang tunay na babaero tumatambay sa eskwelahan, bilyaran, discobar, at nakikipag eyeball.

Ang tunay na babaero hindi nagpapahuli na namboboso dahil alam nya na malaki ang bawas neto sa pogi points.

Ang tunay na babaero maharot.

Ang tunay na babaero maraming baon na joke (jokes).

Ang tunay na babaero maraming kwento, hindi nauubusan kahit magdamagan.

Ang tunay na babaero kaladkarin. Kahit saan sumasama basta may kasamang babae.

Ang tunay na babaero napapa-ibig kaagad ang babae kahit sa text at chat palang.

Ang tunay na babaero hindi nagsasabi ng "I Love You"

Ang tunay na babaero hindi nagreregalo ng bulalaklak.

Ang tunay na babaero hindi nanliligaw.

Ang tunay na babaero hindi nagpupunta sa bahay ng babae.

Ang tunay na babaero hindi tumatambay sa beerhouse.

Ang tunay na babaero hindi nagsasayang ng pera sa babae.

Ang tunay na babaero nahuhuli din minsan, pero minsan lang.

Ang tunay na babaero huli na tinatanggi pa.

Ang tunay na babaero nangangako na hindi na uulitin pero uulit-ulitin parin.

Ang tunay na babaero laging nagsosorry.

Ang tunay na babaero magaling magpalusot at laging may katuwiran.

Ang tunay na babaero malambing.
 
Ang tunay na babaero hard to get (hard muna bago ma-get)

Ang tunay na babaero nagcocontribute ng manifesto ng tunay na babaero...